0:00
/
1ܐܲܢܹܐ ܐَܡܝܼܪܹܗ ܝܼܫܘܿܥ: ܘܦܠܸܛܠܹܗ ܥܲܡ ܬܲܠܡܝܼܕܘܼ̈ܗܝ ܠܡܲܪܙܵܐ ܐ݇ܚܹܪ݇ܢܵܐ ܕܫܵܩܝܼܬܵܐ ܕܩܸܕܪܘܿܢ: ܐܲܝܟܵܐ ܕܐܝܼܬ ܗ݇ܘܵܐ ܓܲܢܬܵܐ: ܕܓܵܘܘܼܗ̇ ܥܒܼܸܪܹܗ ܗ̇ܘ ܘܬܲܠܡܝܼܕܘܼ̈ܗܝ. 2ܐܝܼܢܵܐ ܟܹܐ ܝܵܕܸܥ ܗ݇ܘܵܐ ܐܘܼܦ ܝܼܗܘܼܕܵܐ ܣܵܦܝܵܢܹܗ ܠܗ̇ܝ ܕܘܼܟܬܵܐ: ܣܵܒܵܒ ܕܪܵܒܵܐ ܓܵܗܹ̈ܐ ܟܹܐ ܓ̰ܲܡܸܥ ܗ݇ܘܵܐ ܬܵܡܵܐ ܝܼܫܘܿܥ ܥܲܡ ܬܲܠܡܝܼܕܘܼ̈ܗܝ. 3ܗܲܕܟ̣ܵܐ ܝܼܗܘܼܕܵܐ ܫܩܸܠܹܗ ܕܲܣܬܵܐ ܕܣܲܪ̈ܒܵܙܹܐ: ܘܡ̣ܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ ܘܦܪ̈ܝܼܫܹܐ ܫܩܸܠܹܗ ܦܲܪ̈ܵܫܹܐ: ܘܐَܬܹܐܠܹܗ ܠܬܵܡܵܐ ܥܲܡ ܦܲܢܗܵܪܹ̈ܐ ܘܠܲܡܦܹܝܕܹ̈ܐ ܘܟ̰ܲܟܹ̈ܐ. 4ܝܼܫܘܿܥ ܗܲܕܟ̣ܵܐ: ܟܲܕ ܒܝܼܕܵܥܝܵܐ ܗ݇ܘܵܐ ܟܠ ܡܸܢܕܝܼ ܕܐܵܬܹܐ ܗ݇ܘܵܐ ܥܲܠܘܼܗܝ: ܦܠܸܛܠܹܗ: ܘܐَܡܝܼܪܹܗ ܐܸܠܵܝܗܝ: ܠܡܵܢܝܼ ܒܸܒܥܵܝܵܐ ܝܬܘܿܢ. 5ܓ̰ܘܼܘܸܒܠܗܘܿܢ ܐܸܠܹܗ: ܠܝܼܫܘܿܥ ܢܵܨܪܵܝܵܐ. ܐܵܡܸܪ ܐܸܠܵܝܗܝ ܝܼܫܘܿܥ: ܐܵܢܵܐ ܝܘܸܢ. ܐܝܼܢܵܐ ܟܸܠܝܵܐ ܗ݇ܘܵܐ ܐܘܼܦ ܝܼܗܘܼܕܵܐ ܣܵܦܝܵܢܹܗ ܥܲܡܵܝܗܝ. 6ܘܟܲܕ ܐَܡܝܼܪܹܗ ܐܸܠܵܝܗܝ: ܐܵܢܵܐ ܝܘܸܢ: ܐَܙܸܠܗܘܿܢ ܠܒܵܬَܪܵܝܗܝ: ܘܢܦܸܠܗܘܿܢ ܥܲܠ ܐܲܪܥܵܐ. 7ܘܡܸܢَܕܪܸܫَ ܒܘܼܩܪܵܝܠܹܗ. ܠܡܵܢܝܼ ܒܸܒܥܵܝܵܐ ܝܬܘܿܢ: ܘܐܵܢܝܼ ܐَܡܸܪܗܘܿܢ: ܠܝܼܫܘܿܥ ܢܵܨܪܵܝܵܐ. 8ܓ̰ܘܼܘܸܒܠܹܗ ܝܼܫܘܿܥ: ܐَܡܝܼܪܹܗ ܐܸܠܵܘܟ̣ܘܿܢ ܕܐܵܢܵܐ ܝܘܸܢ: ܘܐܸܢ ܐܸܠܝܼ ܒܸܒܥܵܝܵܐ ܝܬܘܿܢ: ܫܒ̣ܘܿܩܘܿܢ ܠܐܲܢܹܐ ܐܵܙܠَܝܼ. 9ܕܬܲܡܸܡܵܐ ܗܹܡܸܙܡܵܢ ܕܐَܡܝܼܪܹܗ: ܐܵܢܝܼ ܕܝܘܼܗَܒܼܸܠܘܼܟܼ ܐܸܠܝܼ: ܠܵܐ ܬܘܼܠܸܩܠܝܼ ܡܸܢܵܝܗܝ: ܐܘܼܦ ܠܵܐ ܚܲܕَ. 10ܘܫܸܡܥܘܿܢ ܟܹܐܦܵܐ ܐܝܼܬ ܗ݇ܘܵܐ ܠܹܗ ܣܲܝܦܵܐ: ܘܓܪܸܫܠܹܗ: ܘܡܚܹܠܹܗ ܠܪܹܓܹܗ ܕܓܘܼܪܵܐ ܕܟܵܗܢܹ̈ܐ: ܘܦܪܝܼܡܵܠܹܗ ܢܵܬܹܗ ܕܝܲܡܝܼܢܵܐ. 11ܐܝܼܢܵܐ ܫܸܡܹܗ ܕܪܹܓܵܐ ܡܵܠܸܟ ܝܼܗ݇ܘܵܐ. ܘܐَܡܝܼܪܹܗ ܝܼܫܘܿܥ ܠܟܹܐܦܵܐ: ܡܲܬܸܒ̣ ܣܲܝܦܵܐ ܓܵܘ ܚܸܠܬܹܗ. ܟܵܣܵܐ ܕܝܘܼܗَܒܼܸܠܹܗ ܐܸܠܝܼ ܒܵܒܵܐ: ܠܵܐ ܫܵܬܸܢܹܗ. 12ܗܲܕܟ̣ܵܐ ܕܲܣܬܵܐ ܕܣܲܪ̈ܒܵܙܹܐ ܘܟܝܼܠܝܼܵܪܟܵܐ: ܘܦܲܪ̈ܵܫܹܐ ܕܝܗَܘܼܕܵܝܹ̈ܐ: ܕܒܸܩܠܗܘܿܢ ܠܝܼܫܘܿܥ ܘܥܒܼܸܪܗܘܿܢ ܐܸܠܹܗ. 13ܘܡܘܼܬَܝܹܠܗܘܿܢ ܐܸܠܹܗ ܠܟܸܣ ܚܲܢܵܢ ܩܵܕَܡܵܝܬܵܐ: ܣܵܒܵܒ ܚܸܡܝܵܢܹܗ ܕܩܲܝܵܦܵܐ ܗ݇ܘܵܐ: ܗ̇ܘ ܕܝܼܗ݇ܘܵܐ ܓܘܼܪܵܐ ܕܟܵܗܢܹ̈ܐ ܕܗ̇ܝ ܫܹܢَܬܵܐ. 14ܐܝܼܢܵܐ ܩܲܝܵܦܵܐ ܝܼܗ݇ܘܵܐ ܗ̇ܘ ܕܥܒܸܕܠܹܗ ܪܵܐܝܝܼ ܠܝܗَܘܼܕܵܝܹ̈ܐ: ܕܨܦܵܝܝܼ ܝ݇ܠܵܗ̇ ܕܚܲܕَ ܐ݇ܢܵܫܵܐ ܡܵܝܸܬ ܡܒܵܕܵܠ ܕܛܵܝܸܦܵܐ. 15ܘܫܸܡܥܘܿܢ ܟܹܐܦܵܐ ܘܚܲܕَ ܬܲܠܡܝܼܕܵܐ ܐ݇ܚܹܪ݇ܢܵܐ ܒܹܐܬܵܝܵܐ ܗ݇ܘܵܘ ܒܵܬَܪܹܗ ܕܝܼܫܘܿܥ. ܐܝܼܢܵܐ ܠܗ̇ܘ ܬܲܠܡܝܼܕܵܐ ܟܹܐ ܝܵܕܸܥ ܗ݇ܘܵܐ ܠܹܗ ܓܘܼܪܵܐ ܕܟܵܗܢܹ̈ܐ: ܘܥܒܼܸܪܹܗ ܥܲܡ ܝܼܫܘܿܥ ܠܕܵܪܬܵܐ ܕܓܘܼܪܵܐ ܕܟܵܗܢܹ̈ܐ. 16ܐܝܼܢܵܐ ܟܹܐܦܵܐ ܟܸܠܝܵܐ ܗ݇ܘܵܐ ܠܒܲܕܲܪ ܠܟܸܣ ܬܲܪܥܵܐ. ܘܦܠܸܛܠܹܗ ܗ̇ܘ ܬܲܠܡܝܼܕܵܐ ܐ݇ܚܹܪ݇ܢܵܐ: ܕܟܹܐ ܝܵܕܸܥ ܗ݇ܘܵܐ ܠܹܗ ܓܘܼܪܵܐ ܕܟܵܗܢܹ̈ܐ: ܘܐَܡܝܼܪܹܗ ܠܢܵܛܪܵܢܬܵܐ ܕܬܲܪܥܵܐ: ܡܘܼܥܒܼܸܪܹܗ ܠܟܹܐܦܵܐ. 17ܘܐَܡܝܼܪܵܗ̇ ܚܵܡܬܵܐ ܢܵܛܪܵܢܬܵܐ ܕܬܲܪܥܵܐ ܠܟܹܐܦܵܐ: ܐܘܼܦ ܐܲܢَܬ ܡ̣ܢ ܬܲܠܡܝܼܕܹ̈ܐ ܕܐܵܗܵܐ ܐ݇ܢܵܫܵܐ ܝܘܸܬ: ܐܵܡܸܪ ܐܸܠܵܗ̇ ܠܹܐ ܝܘܸܢ. 18ܘܟܸܠܝܹܐ ܗ݇ܘܵܘ ܪܹ̈ܓܵܘܵܬܹܐ ܘܦܲܪ̈ܵܫܹܐ: ܟܲܕ ܬܘܼܦܝܹܐ ܗ݇ܘܵܘ ܢܘܼܪܵܐ: ܘܒܸܫܚܵܢܵܐ ܗ݇ܘܵܘ: ܣܵܒܵܒ ܕܩܲܪܬܵܐ ܗ݇ܘܵܐ: ܘܟܸܠܝܵܐ ܗ݇ܘܵܐ ܐܘܼܦ ܟܹܐܦܵܐ ܥܲܡܵܝܗܝ ܘܒܸܫܚܵܢܵܐ. 19ܐܝܼܢܵܐ ܓܘܼܪܵܐ ܕܟܵܗܢܹ̈ܐ ܒܘܼܩܸܪܹܗ ܡ̣ܢ ܝܼܫܘܿܥ ܒܘܼܬ ܕܬܲܠܡܝܼܕܘܼ̈ܗܝ ܘܒܘܼܬ ܕܝܘܼܠܦܵܢܹܗ. 20ܓ̰ܘܼܘܸܒܠܹܗ ܐܸܠܹܗ ܝܼܫܘܿܥ: ܐܵܢܵܐ ܐܲܫܟܵܪܵܐ ܗܘܼܡܙܸܡܠܝܼ ܠܥܵܠܡܵܐ: ܘܒܟܠ ܙܲܒ̣ܢܵܐ ܡܘܼܠܸܦܠܝܼ ܓܵܘ ܟܢܘܼܫܬܵܐ ܘܓܵܘ ܗܲܝܟܠܵܐ: ܐܲܝܟܵܐ ܕܟܠܵܝܗܝ ܝܗَܘܼܕܵܝܹ̈ܐ ܟܹܐ ܓ̰ܵܡܥܝܼ: ܘܡܸܢܕܝܼ ܒܛܸܫܘܵܐ ܠܵܐ ܗܘܼܡܙܸܡܠܝܼ. 21ܩܵܡܘܿܕܝܼ ܒܵܩܘܿܪܹܐ ܝܘܸܬ ܡܸܢܝܼ: ܒܵܩܸܪ ܡ̣ܢ ܕܐܵܢܝܼ ܕܫܡܸܥܠܗَܘܿܢ ܡܘܼܕܝܼ ܗܘܼܡܙܸܡܠܝܼ ܥܲܡܵܝܗܝ: ܗܵܐ: ܐܲܢܹܐ ܒܝܼܕܵܥܝܵܐ ܝܢܵܐ ܡܸܢܕܝܼ ܕܐَܡܸܪܝܼ. 22ܘܟܲܕ ܐܲܢܹܐ ܐَܡܝܼܪܹܗ: ܚܲܕَ ܡ̣ܢ ܦܲܪ̈ܵܫܹܐ ܕܟܸܠܝܹܐ ܗ݇ܘܵܘ: ܡܚܹܠܹܗ ܥܲܠ ܦܵܬܹܗ ܠܝܼܫܘܿܥ: ܘܐَܡܝܼܪܹܗ ܐܸܠܹܗ: ܗܲܕܟ̣ܵܐ ܒܝܼܵܗَܒ̣ܵܐ ܝܘܸܬ ܓ̰ܘܼܘܵܒ ܠܓܘܼܪܵܐ ܕܟܵܗܢܹ̈ܐ. 23ܓ̰ܘܼܘܸܒܠܹܗ ܐܸܠܹܗ ܝܼܫܘܿܥ: ܐܸܢ ܒܝܼܫܬܵܐ ܗܘܼܡܙܸܡܠܝܼ: ܗܲܒَܠ ܣܵܗܕܘܼܬܵܐ ܥܲܠ ܒܝܼܫܬܵܐ: ܘܐܸܢ ܨܦܵܝܝܼ: ܩܵܡܘܿܕܝܼ ܩܲܡ ܡܵܚܸܬ ܠܝܼ. 24ܐܝܼܢܵܐ ܚܲܢܵܢ ܫܘܼܕܸܪܹܗ ܠܝܼܫܘܿܥ ܐَܣܝܼܪܵܐ ܠܟܸܣ ܩܲܝܵܦܵܐ: ܓܘܼܪܵܐ ܕܟܵܗܢܹ̈ܐ. 25ܘܫܸܡܥܘܿܢ ܟܹܐܦܵܐ ܟܸܠܝܵܐ ܗ݇ܘܵܐ ܘܒܸܫܚܵܢܵܐ. ܘܐܵܡܪܝܼ ܐܸܠܹܗ: ܐܘܼܦ ܐܲܢَܬ ܚܲܕَ ܡ̣ܢ ܬܲܠܡܝܼܕܘܼ̈ܗܝ ܝܘܸܬ: ܘܗ̇ܘ ܣܪܸܒ̣ܠܹܗ: ܒܹܐܡܵܪܵܐ: ܠܹܐ ܝܘܸܢ. 26ܐܵܡܸܪ ܐܸܠܹܗ ܚܲܕَ ܡ̣ܢ ܪܹ̈ܓܵܘܵܬܹܐ ܕܓܘܼܪܵܐ ܕܟܵܗܢܹ̈ܐ: ܚܸܙܡܹܗ ܕܗ̇ܘ ܕܦܪܝܼܡܵܐ ܗ݇ܘܵܐ ܟܹܐܦܵܐ ܢܵܬܹܗ: ܐܵܢܵܐ ܠܵܐ ܩܲܡ ܚܵܙܸܢܘܼܟ ܥܲܡܹܗ ܓܵܘ ܓܲܢܬܵܐ. 27ܘܡܸܢَܕܪܸܫَ ܣܪܸܒ̣ܠܹܗ ܟܹܐܦܵܐ: ܘܕܲܪܣܵܥܲܬ ܩܪܹܐܠܹܗ ܩܵܪܘܿܝܵܐ. 28ܘܡܘܼܬَܝܹܠܗܘܿܢ ܠܝܼܫܘܿܥ ܡܟܸܣ ܩܲܝܵܦܵܐ ܠܦܪܵܛܘܿܪܝܼܢ: ܘܨܲܦܪܵܐ ܗ݇ܘܵܐ: ܘܐܲܢܹܐ ܠܵܐ ܥܒܼܸܪܗܘܿܢ ܠܦܪܵܛܘܿܪܝܼܢ: ܕܠܵܐ ܦܵܝܫܝܼ ܡܛܘܼܡܝܹܐ: ܐܸܠܵܐ ܕܐܵܟ̣ܠܝܼ ܦܸܨܚܵܐ. 29ܘܦܠܸܛܠܹܗ ܦܝܼܠܵܛܘܿܣ ܠܒܲܕܲܪ ܠܟܸܣܠܵܝܗܝ: ܘܐܵܡܸܪ ܐܸܠܵܝܗܝ: ܡܘܼܕܝܼ ܡܚܵܝܬܵܐ ܕܕܲܪܗܲܩ ܐܝܼܬ ܠܵܘܟ̣ܘܿܢ ܥܲܠ ܕܐܵܗܵܐ ܐ݇ܢܵܫܵܐ. 30ܓ̰ܘܼܘܸܒܠܘܿܢ ܘܐَܡܸܪܗܘܿܢ ܐܸܠܹܗ: ܐܸܢ ܠܵܐ ܗܵܘܹܐ ܗ݇ܘܵܐ ܥܵܒ̣ܕܵܢܵܐ ܕܒܝܼܫܬܵܐ: ܐܸܠܘܼܟܼ ܠܹܐ ܣܵܦܵܚ ܗ݇ܘܵܘ ܠܹܗ. 31ܐܵܡܸܪ ܐܸܠܵܝܗܝ ܦܝܼܠܵܛܘܿܣ: ܠܵܒܠܗܘܿܢ ܠܹܗ ܐܲܚܬܘܿܢ: ܘܕܘܼܢܘܿܢ ܠܹܗ ܐܲܝܟܼ ܢܵܡܘܿܣܵܘܟ̣ܘܿܢ. ܐَܡܸܪܗܘܿܢ ܐܸܠܹܗ ܝܗَܘܼܕܵܝܹ̈ܐ: ܠܹܐ ܝ݇ܠܵܗ̇ ܒܕܲܣܬܘܼܪ ܐܸܠܲܢ ܠܸܩܛܵܠܵܐ ܠܐ݇ܢܵܫܵܐ. 32ܕܦܵܝܫܵܐ ܬܘܼܡܸܡܬܵܐ ܗܹܡܸܙܡܵܢ ܕܐَܡܝܼܪܹܗ ܝܼܫܘܿܥ: ܟܲܕ ܡܘܼܕܸܥܠܹܗ ܒܡܘܼܕܝܼ ܡܵܘܬܵܐ ܗܕܝܼܪܵܐ ܗ݇ܘܵܐ ܕܡܵܝܸܬ. 33ܘܥܒܼܸܪܹܗ ܡܸܢَܕܪܸܫَ ܦܝܼܠܵܛܘܿܣ ܠܦܪܵܛܘܿܪܝܼܢ: ܘܩܪܹܐܠܹܗ ܠܝܼܫܘܿܥ: ܘܐَܡܝܼܪܹܗ ܐܸܠܹܗ: ܐܲܢَܬ ܝܼܘܸܬ ܡܲܠܟܵܐ ܕܝܗَܘܼܕܵܝܹ̈ܐ. 34ܓ̰ܘܼܘܸܒܠܹܗ ܝܼܫܘܿܥ: ܡ̣ܢ ܓܵܢܘܼܟ ܒܹܐܡܵܪܵܐ ܝܘܸܬ ܐܵܗܵܐ: ܝܲܢ ܐ݇ܚܹܪ̈݇ܢܹܐ ܐَܡܸܪܗܘܿܢ ܐܸܠܘܼܟܼ ܒܘܼܬ ܕܝܼܝܼ. 35ܓ̰ܘܼܘܸܒܠܹܗ ܦܝܼܠܵܛܘܿܣ: ܐܵܢܵܐ ܝܗَܘܼܕܵܝܵܐ ܝܘܸܢ: ܒܢܲܝ̈ ܛܵܝܸܦܘܼܟ ܘܓܘܼܪ̈ܵܢܹܐ ܕܟܵܗܢܹ̈ܐ ܩܲܡ ܣܵܦܝܼ ܠܘܼܟܼ ܐܸܠܝܼ. 36ܡܘܼܕܝܼ ܥܒܸܕܠܘܼܟܼ. ܓ̰ܘܼܘܸܒܠܹܗ ܝܼܫܘܿܥ: ܡܲܠܟܘܼܬܵܐ ܕܝܼܝܼ ܠܹܐ ܝ݇ܠܵܗ̇ ܡܐܵܗܵܐ ܥܵܠܡܵܐ. ܐܸܢ ܗܵܘܝܵܐ ܗ݇ܘܵܐ ܡܐܵܗܵܐ ܥܵܠܡܵܐ ܡܲܠܟܘܼܬܝܼ: ܒܸܬ ܦܵܠܫܝܼ ܗ݇ܘܵܘ ܚܸܠܡܲܬܟܵܪ̈ܝܼ: ܕܠܵܐ ܦܵܝܫܸܢ ܗ݇ܘܵܐ ܣܘܼܦܝܵܐ ܠܝܗَܘܼܕܵܝܹ̈ܐ. ܐܝܼܢܵܐ ܐܵܕܝܼܵܐ ܡܲܠܟܘܼܬܵܐ ܕܝܼܝܼ ܠܹܐ ܝ݇ܠܵܗ̇ ܡܐܲܟ̣ܵܐ. 37ܐܵܡܸܪ ܐܸܠܹܗ ܦܝܼܠܵܛܘܿܣ: ܒܲܣ ܡܲܠܟܵܐ ܝܘܸܬ: ܓ̰ܘܼܘܸܒܠܹܗ ܝܼܫܘܿܥ: ܐܲܢَܬ ܒܹܐܡܵܪܵܐ ܝܘܸܬ ܕܡܲܠܟܵܐ ܝܘܸܢ. ܐܵܢܵܐ ܠܐܵܗܵܐ ܗَܘܝܼܵܐ ܝܘܸܢ: ܘܠܵܐܗܵܐ ܐَܬܹܐܠܝܼ ܠܥܵܠܡܵܐ: ܕܝܵܗَܒܸܢ ܣܵܗܕܘܼܬܵܐ ܥܲܠ ܣܲܪܲܣܬܘܼܬܵܐ. ܟܠ ܡ̇ܢ ܕܝܼܠܹܗ ܡ̣ܢ ܣܲܪܲܣܬܘܼܬܵܐ ܟܹܐ ܫܵܡܹܥ ܩܵܠܝܼ. 38ܐܵܡܸܪ ܐܸܠܹܗ ܦܝܼܠܵܛܘܿܣ: ܡܘܼܕܝܼ ܝ݇ܠܵܗ̇ ܣܲܪܲܣܬܘܼܬܵܐ: ܘܟܲܕ ܐَܡܝܼܪܹܗ ܐܵܗܵܐ: ܦܠܸܛܠܹܗ ܡܸܢَܕܪܸܫَ ܠܟܸܣ ܝܗَܘܼܕܵܝܹ̈ܐ: ܘܐَܡܝܼܪܹܗ ܐܸܠܵܝܗܝ: ܐܵܢܵܐ ܐܘܼܦ ܚܕܵܐ ܗܲܓ̰ܲܬ ܠܹܐ ܝܘܸܢ ܡܵܫَܟ̰ܘܼܚܹܐ ܒܝܹܗ. 39ܐܝܼܢܵܐ ܥܵܕܲܬ ܐܝܼܬ ܠܵܘܟ̣ܘܿܢ ܕܚܲܕَ ܐ݇ܢܵܫܵܐ ܫܵܪܸܢ ܐܸܠܵܘܟ̣ܘܿܢ ܒܦܸܨܚܵܐ: ܒܲܣ ܒܵܥܹܝܬܘܿܢ ܕܫܵܪܸܢ ܐܸܠܵܘܟ̣ܘܿܢ ܠܡܲܠܟܵܐ ܕܝܗَܘܼܕܵܝܹ̈ܐ. 40ܡܘܼܩܘܸܚܠܗܘܿܢ ܗܲܕܟ̣ܵܐ ܡܸܢَܕܪܸܫَ ܟܠܵܝܗܝ ܘܐܵܡܪܝܼ: ܠܵܐ ܠܐܵܗܵܐ: ܐܸܠܵܐ ܠܒܲܪ ܐܲܒܵܐ. ܐܝܼܢܵܐ ܒܲܪ ܐܲܒܵܐ ܓ̰ܵܠܵܠܝܼ ܗ݇ܘܵܐ.